Midowga Yurub oo Madaxweynaha Kenya ku taageeray Eedayn uu Mucaaradkiisa U jeediyey

Nairobi, 21 June, 2014 (Himilo)- Midowga Yurub ayaa taageeray hadal madaxweynaha Kenya todobaadkii hore ku sheegay inaanay maleeshiyaadka Alshabab wax lug ah ku lahayn weerarro dhowaan lagu qaaday magaalada Mpeketoni, balse ay ka dambeeyeen siyaasiyiin Kenyaan ah oo ujeeddooyin siyaasadeedna laga lahaa.

Briet Lodwijk oo ah wakiilka Midowga Yurub ee Kenya, ayaa sheegay inay Feker ahan la qabaan madaxweyne Uhuru Kenyatta hadalkaas uu ku sheegay in weerarkii Mpeketoni uu ahaa mid siyaasadeed, isla markaana ay uurtagal tahay in xiisada dalka ka jirta ay sabab u tahay rabashadaha ka dhacay deegaamadaas.

‘‘Waan ku raacsanahay madaxweynaha Kenya dhibkii ka dhacay Mpeketoni sababeen hadalada cunfiga ah ee siyaasiyiinta mucaaradku ku hadlayaan,’’ ayuu yidhi danjire Briet oo intaas raaciyey, “Hadalada noocaas ah ma caawinayaan dal dagaal ugu jira sidii ay xasiloonidooda usoo ceshan lahaayeen.”

 

Himilomedia.com

Hargeysa-Somaliland