Wufuud Ka Kala Socota Somaliland iyo Puntland Oo Nairobi Iskugu Tagtay iyo Wada-hadallo Laga Yaabo inay U Furmaan

Naiorbi:June,23,2014(Himilo)Waxa Magaalada Nairobi ee Xarunta Dalka Kenya Gaadhay Wafti ka socda Somaliland, iyadoo dhinaca kalena isla-magaaladaas Lagu soo dhaweeyey Wafti uu hoggaaminayo Madaxweynaha Puntland, waxana la filayaa inay Labada Dhinac wada Hadallo yeelan doonaan.

Lama Shaacin Ujeeddada Wufuuddan labada dhinac  ka socotaa u tageen Nairobi, balse sida ay sheegayaan wararka laga Helayaa, waxa lagu wadaa in labada dhinac uu u furmo wada-hadal aan rasmi ahayni.

Ajandaha labada dhinac ka wada Hadlayaan ma aha mid saxaafadda soo gaadhay, balse waxa ay u badan tahay in wax la iska weydiiyo arrimaha Gobolada Bariga Somaliland oo ay Maamulka Puntland ku tilmaamaan Goobo lagu muransan yahay.

Madaxweynaha Maamulkka Puntland ayaa saaka Safar Kadis ah ku tegay Magaalada Nairobi, waxana la filayaa inay la kulmaan waftigaas dhinaca Somaliland ka socda oo iyagu habeenkii xalay Halkaas gaadhay.

 

Somaliland iyo Puntland ayaa muddooyinkii ugu dambeeyey lahayn wax xidhiidh  ah oo wanaagsan, waxana Xiisadda ka taagaan Deegaanada Bariga Sanaag iyo Koonfurta Sool ay abuureen xiisad iyo jawi colaadeed oo gaadhay inay Puntland si  cad ugu dhawaaqdo inay dagaal diyaar u tahay.

 

 

Himilo Media