Xubin Ka Tirsan Golaha Deegaanka Hargeysa Oo Hore Dil U Geystay Oo Maanta Istiqaaladiisa Jeelka ka soo Diray

Hargeysa:May,10,2014 (Himilo)-Mustafe Cismaan Daahir oo hore uga tirsanaan jirey Golaha Deegaanka Hargeysa, isla-markaana  Fal dil ah u geystay Marxuum hore ayaa warqaddii is casilaadda u gudbiyey Golaha Deegaanka.

Dilka uu Xildhibaankan Hore Gesytay ayaa Hargeysa ka dhacay muddo sanad ka hor ah, waxana uu dilay Marxuum Cabdirashiid Aadan Warsame, waxana ay  Maxkamaddu ku Xukuntay xukun dil ah.

Mustafe Cismaan Daahir oo ilaa  haatan maxbuus ah, ayaa warqadda isticaaqaladiisa u gudbiyey Golaha Deegaanka Hargeysa, waxana sheegay inaanu sii wadan Karin shaqadiisa, sidaas darteedna uu Go’aan ku gaadhay inuu iska dhiibo Xilkaas uu Bulshada u hayey.

Hadaba goor dhaweyd ayaa waxa shabakada caalamiga ah ee Hadhwanaagnews soo gaadhay Warqada Iscasilaada Xildhibaan Mustafe Cismaan Daahir, waxaanay u dhignayd sidan.

Warqadda is-casilaadda Mustafe Cismaan Daahir oo soo Gaadhay Himilo, ayaa u qornayd Sidatan:

Saaxiibeyaal Maanta oo ay taariikhdu tahay 10.05.2014 Waxa aan halkan idiinku soo gudbinayaa is-casilaadii xubinimo ee aan u hayay

qaranka Somaliland maadaama aanan maanta wax hawl ah aanan idinla wadi Karin.

Sidaas darteed laga bilaabo maanta waad buuxsan kartaan xubintaydii aan ka hayay golaha deegaanka Caasimada sida sharciga waafaqsan

 

Kaalinta uu baneeyay Xildhibaan Mustafe Cismaan Daahir ayaa waxa lagu wadaa in uu soo buuxiyo Xildhibaan Siciid Xaaji Axmed Afqalooc oo  ka mid ahaa Raggii ay ka wada sharraxnaayeen Ururkii UMADDA.

 

Himilo

Hargeysa Desk