Guuldarrooyin Soo Gaadhay Ciidamda Yemen Oo Galaaftay Taliya-yaala Militeri Oo Gobollo Dalkaas Ku Yaallay Xukumayey

Sanca:July,14,2014(Himilo)-Madaxweynaha Dalka Yemen Cabdirabeh Mansuur, ayaa Xilkii ka qaaday Generaal Maxamed Al Somali oo ahaa Taliyaha sare ee ciidamada Yemen ee gobalka Xadramawt.

Xilka-qaadistan ayaa ka dambaysay markii Kooxo ka tirsan Al-qaacida ay la wareegeen Qaybo ka mid ah Gobolkaas oo taliyuhu Haystay.

Madaxweynaha Yemen ayaa sidoo kale xilka ka qaaday Generaal Maxamed Al Makdishi oo ahaa Taliyihii ciidamada Yemen ee magaalada Amran oo ay todobaadkan la wareegeen xoogaga Shiicada ah ee Xuuthiyiinta.

 

Tilaabooyinka xilalka looga qaaday taliyayaasha ciidamada ayaa kusoo beegmaysa xili dowlada Yemen ay dagaal laba dhinac ah kula jirto xoogaga Al Qacida ee koonfurta dalkaasi ka dagaalamay iyo xoogaga Shiicada oo Waqooyiga ka dagaalamaya, labadaasi kooxood ayaa maalmihii lasoo dhaafay gaadhay guulo dagaaladii ay la galeen ciidamada dowlada Yemen.

 

Himilo Media