Hadhaaga Maleeshiyada Khaatumo Oo Weerar Gaadmo ah Kaga Hawllan Deegaanka Saax-dheer iyo Ciidanka Qaranka Oo Heegan Sare Galay

Saaxdheer:July,12,2014(Himilo)-Wararka laga Helayo Deegaanka Saax-dheer ee Gobolka Sool ayaa sheegaya inay Hadhaaga Maleeshiyada KHaatumo oo muddoba halkaas isku urursanayey ayaa Haatan Diyaarinayaan Weerar ay ciidanka Qaranka ee jiiddaas jooga ku soo qaadaan.

Ciidamada aagaas ku sugan ayaa la sheegayaa inay diyaar u yihiin weerarka ay kooxdu damacsan tahay, iyadoo Xildhibaanka  haatan kooxdaas wata ee Cali Khaliif uu horeba ugu baaqay inay is qarxinn  miciinsadaan Maleeshiyadiisu.

Maalishiyadan ayaa la sheegayaa inay dhinaca Xuduudda Ethiopia u gudbayaan, iyagoo  Hub ku urursanaya Goobo miyi ah oo  ka baxsan xuduudka Somaliland.

Saraakiisha Ciidanka halkaas deggen ee Somaliland ayaa ciidankooda ku wargeliyey inay Weerarka maleeshiyada taxadarkiisa yeeshaan, maadaama ilaa maalintii shalay dhaqdhaqaadooda la dareemaiyey.

Maalishiyada Khaatumo oo dagaal ahaan hore looga adkaaday ayaa Hab fallaagayn ah u joogta Goobo miyi u badan oo deegaankaas ku yaalla, waxana Cali Khaliif lagu arkay isagoo Goobahaas uga khudbadaynaya Maleeshiyadiisa.

 

 

Himilo Media