Imaamu Shaafici ayay u timi gabadh cabanaysa oo ashkato ah, waxayna tidhi: ‘Shaaficiyow walaalkay ayaa dhintay dabeed dhaxalkiisii ayaa layga siiyey hal dirham miyaan helay intaas?’ Inta aanu waydiin waxa ninkaasi xoolo uu ka tegay ayuu waydiiyey, ‘Shaafici: oo walaalkaa ma wuxuu ka tegay 600 oo dirham? Dadka uu ka tegayna ma waxay ahaayeen kuwan;
-Hooyadii.
- Laba hablood oo uu dhalay.
- Xaaskiisii.
- Iyo 12 wiil oo walaaladii ah iyo adiga oo keliya,
Markaasay tidhi : Haa waa sidaas aad sheegtay Sheekh, oo yaa kuu sheegay?’
Wuxuu yidhi: ‘Waa sax inaad ka heshay 1 dirham dhaxalkii walaalkaa,’ waxaana loo dhaxlay sidatan:
Guud ahaan waa 600 dirham
- Hooyadii waxay helaysaa sudus oo la mid ah 100 dirham.
- Gabadhiisii waxay helaysaa sumun oo la mid ah 75 dirham.
- Hablihiisii waxay helayaan Sulusaan oo la mid ah 400 dirham.
- Walaaladii waxaa u soo hadhay 25 dirham waana 13 oo kala ah 12 nin oo leh midkiiba laba 12x2 = 24 inantuna waxay helaysaa 1 Dirham sidaas ayaad, ku yeelatay halka Dirham.
Waana sidan xisaabtu iyadoo urursan.
- 100 hooyadii + 75 xaaskiisii+ 400 hablihiisii+ 24 wiilashii walaalada ay ahaayeen +1 walaashii = 600 Dirham.
Qisadan waxaan ka fahanay arimahan.
- In loo dedaalo cilmiga lana barto.
- In haddii aad masalo garan waydo la waydiiyo dadka aqoonta u leh.
- In cidda aad cilmiga waydiinaysaa noqoto cid cilmiga u ehel ah,
- In caalimku uu ku qanciyo ciddii wax waydiisa cilmi iyo daliil cad oo Qur’aanka uu cuskanayo iyo xadiiska iyo Ijmaaca.
- In caalimka ay waajib ku tahay inuu culuumta oo dhan si fiican u yaqaan ee diiniga ah khaasatan waa lagama maarmaan inuu cilmiga dhaxalka aad u yaqaano waayo waxaa jirta in Xabiibkeenu SCW yidhi: “Cilmiga ugu horeeya ee la waayi doonaa waa Cilmiga Dhaxalka.”
- Waxaynu kale oo ka fahanay qisadan Cabqarinimada iyo aqoontiisa xeesha dheerayd ee Imaamu Shaafici Raxmatulaahi Calayhi.
Alle ha ina Fahansiiyo Diinteena Macaan.
Hussein Jaamac guudcade
Diintuwaanasteexo1@gmail.com
Himilomedia.com
Hargeysa-Somaliland
No comments:
Post a Comment