Wasiiirka Biyaha oo Markii Ugu Horraysay Ka Hadlay Muranka Ka Taagan Biyaha Xumbo-weyne, Reer Hargeysa-na Bushaaro Fiican Siiyey

Hargeysa:July,21,2014(Himilo)-Wasiirka Wasaaradda Biyaha Xuseen Axmed Cabdule oo maanta shir jaraa’id ku qabtay xafiisskiisa Magaalada Hargeysa ayaa ka Hadlay Biyo-ballaadhinta Lagu samaynayo magaalada Hargeysa, gaar ahaan Arrinta Deegaanka Xunbo-weyne.

Wasiir Xuseen axmed Cabdile, waxa uu si gaar ah uga Hadlay   Biyaha Deegaanka Xumboweyne laga keenayo oo Maalmahan Hadal-hayntoodu warbaahinta iyo Bulshada dhexdeedaba ku Badnayd, waxana uu tilmaamay in hawshoodii meel fiican la marinayo,

“Hawshii Biyaha Hargeysa ee Hadalku  ku Badan yahay gaar ahaan tii xumboweyne haddaan ku horreeyo waxan caddaynayaa inay Hawshii meel fiican marayso, madaxweynuhuna dhawaan guddi buu u xilsaaray, Guddidaana waxa loo xirsaaray haddii wax farsamo xumo ahi jirto, waayo biyihii waxa  lagaga cabanayaa si yar oo dadka qalad looga dhaadhciyey’e waxan leeyahay  biyahaasi meeshii loogu talo galay bay tegeyaan, Biyahaasna waxan ku rajo weynahaya inay qaabkii loogu talo  galay ay maraan.” Ayuu yidhi Wasiirku.

Waxa kale uu wasiirka Biyaha Somaliland carrabka ku dhuftay  Mashruucii Midowga Yurub ku Ballaadhinayeen Biyaha Geed-deeble iyo  wax aka Ka qabsoomay illaa iyo Hadda, isagoo xusay in Dhawaan Madaxweyne Siilaanyo laga filayo inuu Mashruucaasna Dhagax-dhigo, waxana uu  yidhi,

“Tii kale ee Reer Yurub ina siiyeen ee Geed-deeble iyo biyo-balaadhin ta ahayd iyana qaabkii loogu talo galay ayey u ssocotaa,  oo waxanu  ku rajo weynahay in dhakhso beebkii halkaass kasoo qaadi lahaa uu madaxweynuhu dhagax dhigo oo kaliya waxanu sugaynaa inay qalabkaas iyo Beebabku yimaadaan.”

Wasiirku waxa uu farriin u diray Shacabka degan Magaalada Hargeysa oo cabsida ugu weyn ee ay qabaan ay tahay mid Biyood, waxana uu yidhi,

“Dadka waxan u sheegayaa in  haddii ku wa Xumbo weyne ay inoo soo dhamaadaan in hargeysa ay Biyo la’aanta ka bixi doonaan.”

Wasiir Xuseen ayaa ugu dambayntii  tacsi u diray Ehelada Garaad Cabdilaahi Garaad Soofe oo dhawaan Lagu Aasay Magaalada Buuhoodle isagoo u rajeeyey   Naxariista Eebe.

 

Himilo Media