Qaramada Midoobay Oo Kooxda ADF ee Ka Dagaallanta Uganda Ku Dartay Liiska Argagixisada

New York:July,01,2014(Himilo)-Wararka ka soo baxaya Xarunta Golaha Ammaanka ee Dalka Maraykanka, ayaa sheegaya in Golahaasi ay Liiska Argagixisada ku dareen Kooxda ADF eek a Dagaallanta Dalka Uganda.

 Kooxdan ayaa lagu eedeeyey inay Xidhiidh dhaw la leedahay Kooxda Somalia ka Dagaallanta ee Al-shabaab oo hore ugu dhawaaqday inay Ku xidhan yihiin Kooxda Alqaaida.

Kooxdan ayaa lagu eedeeyay iney geysteen afduub ,askareynta caruur ,kufsi iyo weeraritaanka Xarumaha qaramada midoobay ku leedahay Dalka Uganda.

Hogaamiyaha kooxda  Jamil Mukulu ayaa isagu waxaa la sheegay inuu xidhiidh la leeyhay kooxda Al-shabaab ee Somalia, isla-markaana ay wada shaqayni marar badan dhex martay.

ADF waa koox hadafkeeda ku sheegtay xoreynta dalka Uganda waxayna saldhigyo ku leeyihiin dalka Congo waxaana  tiradooda lagu qiyaasaa  ilaa 1,200 ama 1,400 dagaalyahano ah.

Qaramada midoobay ayaa sheegtay kooxdan waxay Caruur  ka qorteen masaajidyo kuyaala dalalka Congo Ugand,Iyo Tanzania.

 

Dowlada Congo ayaa sheegtay in kooxdan ay kadambeysay weerar lagu dilay ilaa 21-ruux oo ay kujiraan haween iyo caruur kaas oo ka dahcay meel udhow magalada Beni ee waqooyiga gobolka Kive bishii December.

 

Himilo Medida