Qarax Goor Dhaweyd Lala Eegtay Hutel u Dhaw Madaxtooyada Somalia Oo ku Shirayeen Wafti Turki ahi

Muqdisho:Jan,22,2015(Himilo)-Qarax loo adeegsaday Baabuur, ayaa goor dhaweyd lala eegtay Hutelka lagu magacaabo SYL oo ku agyaalla madaxtooyada Somalia xilli uu halkaas shir uga socday Wafti turki ah oo ku hawllan safar uu madaxweyne Ergogan muqdisho berry ku iman doono.

Qaraxan ayaa waxaa fuliyay sida wararka ay sheegayan laba ruux oo ismiidaamiyay, kuwaa oo watay inta aanay is qarxin ka hor qoryaha AK-47 loo yaqaan.

Gaadiid ciidan oo ay leeyihiin kuwa AMISOM iyo kuwa ammaanka magalada Muqdisho ayaa goobta qaraxa uu ka dhacay ka ag dhawaa mana la hubo in badhtilmaameedka iyaga ahayeen.

Wararka qaarkood, ayaa sheegaya in halkaas uu ku dhintay Hal askari oo ilaalo ka ahaa Hutel-ka, waxana la wadaa Baadhitaano la xidhiidha sida wax u dhaceen.

Wararka nasoo gaadhayo, ayaa sheegaya in waftigii halkaas ku sugnaa ee Turkiga ahaa aanu khasaare soo gaadhin, isla-markaana loo daad gureeyey dhinaca madaxtooyada, iyadoo madaxtooyaduna sheegtay inaan waxba iska beddelin Imaanshiyihii Madaxweynaha Turkiga ee Muqdisho.

 

Himilo Media