Askarigii Toogashada Ku Dilay Usama Ben Laden Oo Muran Ka Taagan Yahay

Washington:Nov,07,2014(Himilo)-Qaar kamid ah warbaahinta caalamka ayaa soo daabacay warar dibadda usoo saaraya cidda loo tirinayo dilka Hoggaamiyihii Dunida loogu doonista Badnaa ee Usama Ben Laden, waxana Haatan Warbaahintu sheegtay in la aqoonsaday ninkii dilkaas Geystay.

Wargeyska Daily Mail oo kasoo Baxa Dalka Britain, ayaa sheegay Robert O'Neill oo 38 jir ah, horayna ooga tirsanaa ciidammada gaarka ah badda ee waddanka Maraykanku uu yahay Shakhsiga dilay Usama Ben Laden.

Arrintaasina waxa ay ka hor imanaysaa sheegasho kale oo ku qornayd buug uu qoray 2012 askari kale oo isla cusutubkaasi weerarka qaaday ah oo lagu magacaabo Matt Bissonnette.

Hoggaamiyaha al-Qaacida waxaa lagu dilay 2011 weerar ay ku qaadeen ciidammada gaarka ah badda gurigiisa oo kuyaalay magaalada Abbotabad, ee dalka Pakistan.

Ciidammada baddu waxa ay inta badan ilaaliyaan sharci ka mamnuucaya in ay bulshada dhexdeeda ka sheegtaan hawlgalada ay shaqsiyan u fuliyaan.

O'Neill waxa uu shaqada ka fadhiistay 2012, waxa uuse sheekadiisa hore ugu sheegay isaga oo magaciisa qarinaya wargayska Esquire magazine.

Waxaa lagu waday in uu bishan qaybaheeda dambe bixiyo si loo muujiyo qofka uu yahay, laakiin waraysigan uu bixiyay ayay ka xanaaqeen qaar kale oo kamid ahaan jiray ciidammadaasi gaarka ah ee badda.

Waxaana magaca ninkaasi shaaciyay website ay leeyihiin ciidammadii hore ee badda ee Maraykanka, waxayna arrintaas kaga mudaaharadayaan go’aanka uu ku gaadhay in uu shaqsiyan si gaar ah sheegto guushaasi.

 

Himilo Media