Gadood Lagaga Soo Horjeedo Aflegaadada Wargeyska Charlie Hebdo Oo Gilgilay Dalal Badan Oo Caalamka Ku Yaalla

Niamey:Jan,18,2015(Himilo)-Gadood iyo cadho dibadda usoo baxday ayey Muslimiinta Caalamku ka muujiyeen Afgelaaddo uu Wargeyska Charlie Hebdo kula kacay Nebi Muxamedd N.N.K.H,kaas oo dhawaan la weeraray Xaruntii uu ku lahaa Dalka Faransiiska.

Dalalka Mudaharaadka kaga jawaabay Qoraallada wargeyska, ayaa waxa kamid ah Pakistan, Yemen iyo Turkiga iyo Waliba Dalka Niger oo la sheegayo in kiniisado tiro badan oo Reer Galbeedku lahaayeen lagu Ololiyey.

Faransiiska iyo qaar ka mid ah dalalka Yurub ayaa adkeeyay ammaanka, tan iyo markii uu dhacay weerarkii Paris, kaasoo lagu dilay ilaa 17 ruux oo 12 ka mid ah ay ka shaqeynayeen Wargeyska Charlie Hebdo.

Himilo Media