Wasiir Waran-cadde Oo Soo Saaray Wareegto Kor Loogu Qaadayo Karaamada Madax-dhaqameedka Oo Haatan Meeqaamkeedu Hooseeyo

Hargeysa:Aug,19,2014(Himilo)-Wasiirka Arrimaha u Qaabilsan Somaliland Cali Maxamed Waran-cadde, ayaa maanta soo saaray wareegto uu ku sheegay in sharafta iyo karaamada madax-dhaqameedka dalka kor loo qaado.

Wareegtan uu wasiirku soo  saaray ayaa ka koobnayd Afar qodob, waxana lagu faray dhammaan laamaha dawladda iyo bulshada kaleba in sharafta Madax-dhaqameedku tahay mid mudan in la dhawro oo kor lloo qaado.

 

Qodobada ayaa u dhignaa sidan

 

1. In la Dhawro Sharafta iyo Karaamada Madaxdhaqameedku leeyahay

 

2.In loo fududeeyo Gacanna lagu siiyo Gudashada hawlaha ay umadda u hayaan ee nabad galyada iyo Xallinta khilaafaadka

3.In Caaqilka Jabiya Qodobada Sharciga ah, xadhigiisa loo soo maro wasaaradda Arimaha gudaha, islamarkaana lala soo socodsiiyo Gudoomiyaha Gobolka ay Arintaasi khusayso

4. Inaan la xayiri Karin Mushaharka Caaqilka ama Madaxdhaqameedka haddii aanay jirin sabab Kalifaysa.

 

Wasiir Warancadde waxa uu amray Badhasaabada iyo laamaha amaanka ee dalku inay meel mariyaan Wareegtadan.

Wareegtadan ayaa imanaysa xilli ay  xubno ka tirsan madax-dhaqameedka uu wasiirku sheegayo in karaamadooda kor loo qaadayaa ku xidhan yihiin Magaalada Burco, iyadoo loo Haysto Muran ka taagan deegaan ku yaalla Gobolka Togdheer.

Himilo Media