Tahriibayaa Soomaaliyi Ku Jirto Oo Lagu Qabtay Xeebaha Dalka Tunisia

Muqdisho:Aug,10,2014(Himilo)-Xukuumadda waddanka Tunisia ayaa ku dhawaaqday inay gacanta ku dhigtay 90-ka mid ah muhaajiriin afrikaan ah oo somaliyi ka mid tahay, kuwaas oo ka yimi dhinaca dalka Libiya una socday talyaaniga.

Bisha Cas ee dalka Tunisia ayaa sheegtay in Muhajiriinta Soomaalida ay ku jiran lagu qabtay Xeebaha Zarzis ee dhaca koonfurta dalka Tunisia iyagoo la socday dooni la buux dhaafiyey.

Madaxa Bisha cas ee dalka Tunisia  Mongi Slim ayaa sheegay in 19 ka mid ah dadka gacanta ay ku dhigeen ee la socday doonida ay yihin Soomali  halka inta kale ay ka soo kala jeedaan wadamada Sudaan, Eritrea, Nigeria, iyo Morocco .

 

Sanadkasta waxaa xeebaha dalka Talyaaniga ka gudba kumanaan Muhaajiriin Africaan ah oo Soomaali u badan kuwaas oo raadinaya nolal dhaanta tan wadamadooda ka jirta, iyadoo muhaajiririn kumanaan ka badan ay naftooda ku waayaaan socdaalka khatarta badan ee ay galaan.

Himilo Media