Hubkii Saarnaaa Markabka Taagan Dekedda Berbera Oo La Dejiyey Iyo Noocyada Shixnadu Ka Kooban tahay

Berbera:Feb,02,2015(Himilo)-Xalay saqdii dhexe ayaa si ramsi ah loo rogay Hubkii sharcidarrada ahaa ee saarnaa Markabka MV shaakir oo muddo Toban maalmood ahayd lagu hayey Dekedda Berbera.

Saraakiisha ammaanka u qaabilsan somaliland oo uu ugu horreeyo wasiirka arrimaha Guduhu ayaa goobjoog ka ahaa rogista Hubkaas, waxana dhamaan hubkaas la sheegayaa in lagu xareeyey xero ciidanka cirku ku leeyihiin duleedka dekedda Berbera.

saanadan ayaa sida ayaa ka kooban laba baabuur oo ah Nooca aan rasaastu karin, Labo baabuur oo ah nooca xambaara gantaalaha Rockit ka ah, Qori wayn oo Madfac ah, iyo waliba saanad kale oo milatari.

Lama sheegin waxa laga yeelayo markabka iyo Hubka midna, waxase la filayaa in ilaa iyo inta bulshada caalamku arrinta faraha lasoo geli doonto aan la sii dayn doonin markabka iyo kabtanka wataba.

Himilo Media