Dublin October 5, 2015(Himilo) Waftigii uu hoggaaminaayay Madaxweynaha Jamhuuriyadda Somaliland Mud. Axmed Maxamed Maxamuud (Silaanyo) ayaa gaadhay dalka Ireland, waxaana garoonka Caalamiga ah ee Caasimadda Dublin ku soo dhaweeyay Masuuliyiin ka socda Wasaaradda Arrimaha debadda ee Ireland, Xubno ka tirsan Safiirada Somaliland iyo La taliyaal.
Sidoo kale waxaa Waftiga Madaxweynaha Si weyn u soo dhaweeyay Jaaliyada reer Somaliland ee ku dhaqan dalka Ireland.Waftiga uu hoggaaminaayo Madaxweynaha Somaliland Mud. Axmed Silaanyo, oo ay ku weheliyaan Wasiirka arrimaha dibadda, Wasiirka Caafimaadka, Wasiirka Warfaafinta, Wasiirka Madaxtooyadda, Marwada koobaad iyo Xoghayaha Madaxweynaha.
Waxaana la filaaya in waftiga madaxwaynuhu kulamo la yeesho Madaxda ugu saraysa dalka Ireland iyo jaaliyada Somaliland ee ku dhaqan dalkaasi.
Himilomedia
Hargeysa Office
No comments:
Post a Comment