Daroogo loo siday mid ka mid ah Amiirrada Qoyska Boqortooyada Sucuudiga oo la qabtay, dalku lagu sameeyay iyo Cadadkeeda

Lubnaan, 28 October, 2015-(Himilo)- Booliska dalka Lubnaan, ayaa gacanta ku dhigay daroogo dhan laba Tan oo ah nooca loo yaqaan ‘Amphetamine Captagon pills’ oo la rabay in dhanka dalka Sucuudiga loo saaro diyaarad khaas ah.

Warbaahinta Carabta, ayaa sheegtay in Daroogadan loo siday Amiir ka tirsan Qoyska Boqortooyada Sucuudiga, kaasoo lagu magacaabo Abd al-Muhsen bin Walid bin Abd al-Aziz Al Saud. Saraakiil Lubnaan ka tirsan, ayaa sheegay inay ka hortageen isku day si dhuumaaleysi ah daroogo Lubnaan ka timid lagu gelin rabay Sacuudiga.

Wakaaladda Wararka ee Lubnaan, ayaa sheegtay in ilaalada garoonka caalamiga ah ee magaalada Bayrut, ay ka hortageen koox Rag Sacuudiyaan ah oo laba tan oo Daroogada la yidhaahdo Captagon ku saari lahaayeen diyaarad gaar ah oo ku jeeday caasimadda Sacuudiga ee Riyaad.

Daroogada Catagon oo ka sameysan walxa Maskaxda kiciya, ayaa lagu sameeya Suuriya, waxaana badi laga isticmaala Bariga dhexe. Daroogadan, ayaa dagaalka Suuriya sii hurisay, iyadoo laga helay malaayiiin doolar, waxaana sidoo kale isticmaala dagaalyahanada.

Himilomedia.com

Hargeysa-Somaliland