War-saxaafadeed AMISOM Kasoo Saartay Khasaaraha Weerarkii Shabaabku La Beegsadeen Xaruntooda Muqdisho

Muqdisho:Dec,26,2014(Himilo)-Hoggaanka Ciidamada Midowg Afrika ee AMISOM, ayaa war-saxaafadeed kasoo saaray Baaxadda Khasaarihii ka dhashay weerar shalay Kooxda Al-shabaab la eegatay Xaruntooda Deegaanka Xalane ee Magaalada Muqdisho.

Warsaxafadeedka kasoo baxay Taliska AMISOM ayaa lagu sheegay in Ragii weeraray Xarunta xalane ay xidhnaayeen dareyska Ciidanka Dowlada Soomaaliya, waxa ayna sheegtay AMISOM in ragaasi in mudo ah ay isku gadaameen xarunta balse aanay usuurto galin in ay gaadhaan goobaha muhiimka ah.

War saxaafadeedkan taliska AMISOM kasoo baxay waxaa lagu cadeeyay in tirada dadka ku geeriyooday weerarkii shalay ay gaadhayaan 9 ruux oo 5 ka mid ah ay ahaayeen dablaydii xerada weerartay, 3 askari oo AMISOM ka tirsanaa iyo ruux rayid ah oo kusugnaa Gudaha Xalane.

AMISOM ayaa sidoo kale sheegtay in nolosha lagu qabtay sadax kamid ah ragii Al-Shabaab katirsanaa ee weeraray Xarunta Xalane, waxa ayna AMISOM tilmaantay in ay dib ula wareegeen ammaanka xerada, xaaladana ay sidii hore ku soo laabatay,

Al-Shabaab ayaa sheegatay Masuuliyada weerarka shalay ka dhacay gudaha Xarunta Xalane, waxa uuna Afhayeenka Shabaab Sheekh Cali Dheere sheegay in weerarkaasi ku dileen Saraakiil ajanaiib ah iyo Ciidamo katirsan AMISOM.

 

 

Himilo Media