Xasan Sheekh Maxamuud Oo u Duulay Djibouti Oo Uu Kaga Sii Horreeyey Madaxweyne Siilaanyo Iyo Wada Hadallo Labada Dhinac Halkaas Uga Bilaabi Doono

Muqdisho:Dec,20,2014(Himilo)-Madaxweynaha Somalia Xasan Sheekh Maxamuud, ayaa goor dhaweyd kasoo duulay Magaalada Muqdisho, isagoo ku jihaysan dhinaca Dalka Djibouti oo ay kaga horreeyaan Wafti uu Hoggaaminayo Madaxweyne Siilaanyo oo maanta Halkaas gaadhay.

Kulanka labada Madaxweyne ee Somaliland iyo Somalia, ayaa waxa Dabada ka riixaya Madaxweyne Ismaaciil Cumar Geelle, waxana looga gol leeyahay inay Labada dhinaca si toos ah uga wada Hadlaan Arrimaha ka dhexeeya.

Saacadaha soo socdo waxaa lagu wadaa in Madaxweynaha Jabuuti uu daah roggo shirka, uu ku wada hadal siinayo Somaliland iyo Somaliland oo dhawaanahan dalka Turkiga ku lahaa wada Hadallo aan natiijo fiican laga arag wali.

Shirkan waxaa lagu sheegay wejigiisii labaad oo Ismaaciil Cumar Geele uu isugu keeno labada hogaamiye, lamase garanaayo waxa dhabta ah ee kolkaa ka soo bixi doono.

Labada dhinac, ayaa waxay hore kulamo ugu yeesheen dalka Turkiga, si leeskugu soo dhaweeyo mowqifyadooda, oo aad u kala durugsanaa.

 

Himilo Media