Guddida Caddaaladda Oo Shaacisay Magacyada Garsoorayaal Shaqo-ka-caydhin iyo Isku-shaandhayn Lagu Sameeyey

Hargeysa:April,13,2015(Himilo)-Wasaaradda Caddaaladda iyo Garsoorka Somaliland, ayaa maanta shaacisay Magacyada Garsoorayaal Ka Hawlgeli jirey Goobo kala duwan oo dalka ah, kuwaas oo isku beddel iyo shaqo ka-fadhiisin lagu sameeyey.

Qaraal uu wasiirku soo saaray wuxuu ku sheegay in Guddida Caddaaladdu go’aamisay isku bedelka iyo shaqo eryidda garsooreyaashaj, waxana uu qoraalkaasi u dhignaa sidatan:.

1. Garsooreyaasha la Magacaabay

Yuusuf Liibaan Cumar, waxaa loo magacaabay Gudoomiyaha Maxakamadda rafcaanka ee gobolka Sanaag;

Maxamed Cabdillaahi Kabadhe, waxaa loo magacaabay Garsoore Maxakamadda Degmada Hargeysa;

2. Garsooreyaal la bedelay

Cabdiraxmaan Maxamed Mawliid, waxaa laga bedelay Gudoomiyaha Maxakamadda degmada Hargeysa, waxaana loo bedelay garsoore Maxakamadda Gobolka Maroodijeex;

Mukhtaar Daahir Jibriil, waxaa laga bedelay Garsoore Maxakamadda Degmada Salaxley, waxaana loo bedelay garsoore Maxakamadda degmada Sayla;

Iliyaas Daa’uud Ibraahim, waxaa laga bedelay garsoore Maxakamadda Saylac, waxaana loo bedelay Degmada Sallaxley;

3. Anixin iyo bedel kuxigeenno Xeer Ilaaliyeyaal Guud

Aadan Salaad Seed, waxaa loo ansixiyay bedelkii loo bedelay kuxigeenka xeer ilaaliyaha guud ee Maroodijeex;

Yuusuf Biixi Maxamed, waxaa laga bedelay kuxigeenka xeer ilaaliyaha guud ee Gobolka Saaxil, waxaana loo bedelay Madaxa xafiiska xeer ilaaliyaha guud ee gobolka Gabiley;

Xuseen Cali Khayre, waxaa laga bedelay kuxigeenka xeer ilaaliyaha guud ee gobolka Maroodijeex,waxaana loo bedelay kuxigeenka xeer ilaaliyaha guud ee gobolka Togdheer;

4. Shaqo Ka saarid

Garsoore Cabdisalaan Xaaji Xirsi, waxaa laga saaray shaqadii Garsoorka;

Qoraalkan waxaa ku saxeexnaa Wasiirka Caddaalada Somaliland Xuseen Axmed Caydiid

 

Himilo Media