Warbixinta uu qoray Madaxweyne Museveni oo lagu daabacay Wargeysyada dalka Uganda kasoo baxa, ayuu Shacabka waddankiisa uu kaga dalbaday inay qaataan tabobbarro ay kaga hortegi karaan, iskagana difaaci karaan haddii lagu soo qaado weerarro argaggixiso, isagoo xusay inay lama huraan tahay inay iska difaacaan Al-Shabaab haddii ay soo weerarto dalkooda.Sidoo kale, Madaxweyne Museveni, ayaa warbixintiisa ku sheegay in Ciidamada Uganda ee ka hawlgala dalka Soomaaliya ay dagaallada ku jebiyeen Al-shabaab, taasoo sababi karta inay weerarro kusoo qaadaan gudaha dalka Uganda.
“Ciidammadeenna Soomaaliya ku sugani way sii wadi doonaan dagaallada ay kula jiraan Al-shabaab, illaa laga saaraayo dhulka ay kaga sugan yihiin Soomaaliya.” Weedhahaas ayaa ka mid ahaa Warbixinta uu Madaxweynaha Waddanka Uganda soo saaray, isla markaana kula hadlay Shacabka iyo Saraakiisha Ciidammada dalkiisa.
Afhayeenka Wasaaradda Gaashaandhigga dawladda Uganda Cap. Paddy Akunda, ayaa isna dhankiisa sheegay in hadalka kasoo yeedhay Madaxweynaha Uganda uu macno ahaan ka dhigan tahay in Shacabka Uganda ay iska difaacaan Ururka Al-shabaab haddii ay weerarro soo qaadaan.
Waddanka Uganda, waxa Soomaaliya ka jooga Ciidammo fara badan oo qayb ka ah Ciidammada AMISOM ee dawladda Soomaaliya ka taageera dagaallada ay kula jirto Al-Shabaab oo muddo sannado ah isku dayaysay inay xukunka ka tuurto.
Madaxweyne Yoweri Museveni, ayaa muujiyay in Al-Shabaab aanay hadda awood badan u lahayn inay weerarro ka geysato dalka Uganda iyo kuwa kale ee ay ka socdaan Ciidammada AMSIOM oo uu ka mid yahay dalka Kenya oo ay isaga weerarro taxane ah oo dad badan galaaftay ka geystay gudaha Kenya.
Himilomedia.com
Hargeysa-somaliland
No comments:
Post a Comment