Dhul-gariir Sahayday dad ka badan kun qof oo ruxay dalka Nepal oo laga dareemay Indiya iyo Pakistan

Kathamandu, 26 April, 2015 (Himilo)- Dhul-gariir xooggan oo sababay in ka badan dhimashada Kun qof, in ka badanina ku dhaawacmeen, isla markaana keenay khasaare badan oo burbur hantiyeed ah, ayaa ka ruxay Galbeedka waddanka Nepal Sabtidii.
Dhul-gariirkaas khasaaraha badan ee dhimashada, dhaawaca iyo burubrka isugu jira sababay, ayaa cabbirskiisa lagu sheegay inuu ahaa toddobo dhibic siddeed (7.8), waxaanu ku dhuftay inta u dhexeysa Caasimadda Kathamandu iyo magaalada Pokhara ee dalka Nepal. dad badan ayaa la sheegay inay ku hoos jiraan Burburka dhismayaasha dhul-gariirka ku dumay.
Wasiirka Wasaaradda Warfaafinta dawladda Nepal Minendra Rijal, ayaa BBC-da u sheegay inay isku dayayaan sidii ay u caddeyn lahaayeen wararka waxyeello badan oo ka dhacday badhtanka dhul-gariirka ee deegannada Gurha iyo Lumjung.
Dhismayaal badan oo ku yaalla Caasimadda waddanka Nepal ee Kathmandu, ayaa burburay waxaana ku jira Minaarad ama Sar la dhisay qarnigii 19-aad, taasoo burburtay. Raadiyaha Nepal ayaa uga digay dadka in ay dibedda u baxaan. Dhul-gariirkan ayaa laga dareemay waddamada Indiya iyo Pakistan, inkasta oo aan la sheegin khasaare ka soo gaadhay meelaha laga dareemay ee dalalkaas.
Himilomedia.com
Hargeisa-somaliland