Madaxweyne Silaanyo Oo Magacaabay Gobol Cusub Oo La Yidhaa Xaysimo

Hargeysa (Himilo ) Madaxweynaha somaliland mudane Axmed Maxamed Maxamuud ( Silaanyo ) ayaa magacaabay gobol cusub oo la yidhaa Xaysimo oo ay magaalo madax u tahay Taleex isla markaana  ka koobnaan doona shan degmo oo kala ah Degmada Sarmaanyo, Degmada Xalin, Degmada Carroolay iyo Degmada God-aalo.

 

 

WAR-SAXAAFADEED

 

Madaxweynaha Jamhuuriyada Somaliland Mudane Axmed Maxamed Silaanyo waxa uu Digreeto madaxweyne oo sumadeedu tahay JSL/M/XERM/249-2613/072014 ku magacaabay Gobolka Xaysimo magaalo badaxdiisuna tahay Taleex.

 

Madaxweynuhu:-

 

Markuu Arkay:                     Qodobka 109aad, Faqradiisa 3aad ee Dastuurka Jamhuuriyadda Somaliland;

 

Markuu Arkay:                     Qodobka 10aad ee Xeerka Gobollada iyo Degmooyinka oo tilmaamaya wax ka beddelidda Qaab-dhismeedka Dalka;

 

Markuu Tixgeliyey:            Codsiyada ka yimid Madax-dhaqameedyada, Waxgaradka, Culimada iyo Odayaasha Deegaanada;

 

Markuu Dhegeystay:         Soo jeedinta Wasiirka Wasaaradda Arrimaha Gudaha;

 

Markuu Ku Qancay:           In maamulada loo dhaweeyo shacbiga oo hoos loo daadajiyo;

 

Wuxuu Go’aansaday;

 

In uu u magacaabo Gobolka Xaysimo oo magaalo Madax u tahay Taleex, oo ka koobnaan doona Degmada Sarmaanyo, Degmada Xalin, Degmada Carroolay iyo Degmada God-aalo.

 

ALLAA MAHAD LEH

Himilomedia.com

Hargeysa-Somaliland