Somalia Oo Dhaqaale La’aan u Xidhay Safaarado ay Ku Lahayd Galbeedka Afrika

Muqdisho:July,27,2014(Himilo)-Dawladda Somalia, ayaa shaacisay inay Albaabada u laabtay  Tiro ka mid ah safaaradaha ay ku lahayd Galbeedka Qaaradda Afrika.

Wasiirka Dawladda Xamar u qaabilsan Arrimaha Dibadda Cabdiraxmaan Ducaale Bayle, ayaa Golaha Wasiirrada ka ansixiyey xidhitaanka Safaaradahan, isagoo tilmaamay in kaliya ay culays dhaqaale ku hayaan Dawladda oo aanay wax faa’iido ahi ka soo gelin.

Wasiirka Amuuraha Dibada Xukumadda Soomaaliya C/rixmaan Bayle ayaa sheegay in sidoo kale Wasaarada Arrimaha Dibada Soomaaliya ay yareysay Shaqaalaha ka howlgala Safaaradaha Caalamka Dowladda Soomaaliya ay ku leedahay,kuwaas oo ilaa Saddex Shaqaale lagu soo koobay Dadka ka shaqeynaya, halka Safaaradaha Soomaaliya ee Caalamka lagu soo koobay iyagana ilaa 31 Safaaradood.

Soomaaliya ayaa Dalalka Caalamka ku leh Safaarado badan oo Xitaa Qaar aanay wada Shaqeyn wanaagsan lahayn Dowladda Federaalka Soomaaliya.

 

Himilo Media