Kenya Oo Xidhay Xadka Dheer Ee ay La Leedahay Somalia iyo Ciidamo Tiro Badan oo ay Soo Dhoobtay

Mandhera:Dec,03,2014(Himilo)-Xukuumadda waddanka Kenya, ayaa ciidamo tiro badan soo dhoobtay Xadka ay leedahay Dhigeeda somalia, waxana ay gebi ahaanba xidhay Xadka labada dal wadaagaan, kadib weerarkii kooxda Shabaab shalay ku laysay shacabkii ku sugnaa Gudaha Dalka Kenya.

Mileteriga Kenya oo ku hubaysnaa Gaadiidka dagaalka ayaa Xidhay Xadka Mandheera iyo Baled-xaawo, waxayna arintan kusoo beegantay xilli madaxweynaha Kenya shalay Khudbad uu jeediyey ku sheegay inuu sii wadi doono Dagaalka uu kula jiro.

Xidhitaanka Xadka ayaa Saameyn aan wanaagsaneeyn ku reebay Ardayda Soomaalida ah ee Wax ka barata Magaalada Mandheera ee Gobolka Waqooyi Barri Kenya, kuwaas oo maalin walba xadkaas kasoo tallaabi jirey si ay iskuulkooda u tagaan.

Dhinaca kale Dowladda Kenya ayaa hada waxay dagaal Xooggan kula Jirtaa Ururka Al-Shabaab oo Weeraradii ugu Cuslaa ka Fuliyay gudaha dalka Kenya.

 

Himilo Media