Sida ay baahiyeen Warbaahinta dalka Turkiga shalay, laguna daabacay bogga internetka ee Cusbitaalka Lokman Hekim, wasiirka Arrimaha Dibadda Maxamed Biixi oo ay weheliyaan Xaaskiisa iyo wiil ay dhaleen, ayaa baadhis caafimaad u tagay cusbitaalka, halkaas wasiirku ku galay qalliin fudud oo lagaga sameeyey indhaha.Madaxa Cusbitaalka Lokman oo lagu magacaabo Dr Galilee ayaa sheegay inay qalliinka oo lagu guulaystay ay sameeyeen koox dhakhaatiir ah oo cusbitaalka ka tirsan, haseyeeshee ma sheegin muddada uu qalliinku qaatay iyo wakhtiga uu cusbitaalku ku jiray.
Haseyeeshee, waxa lagu baahiyey bogga Cusbitaalku ku leeyahay Intenetka Sawirka muujinaya wasiirka oo la taagan dhakhaatiirta cusbitaalka oo uu la galay sawir xusuus ah barxadda hore ee cusbitaalka hortiisa oo uu Wasiirka ka tagayey cusbitaalka.
Dhinaca kale, wasiirka Arrimaha dibadda Maxamed Biixi Yoonis oo aanu laftiisa isku daynay inaanu xidhiidh la samaynayo si aanu xaaladdiisa wax uga weydiinno, nooma suurta-galin inaanu ku helno.
Wasiirka Arrimaha Dibadda iyo Wasiirka madaxtooyada, ayaa todobaadkii hore dalka Turkiga ugu baxay gogol-xaadhka wada-hadallada u dhexeeya Somaliland iyo Somaliya oo dawladda Turkigu gogoshiisa gacanta ku hayso, halkaas oo ay kulamo ku yeelanayaan masuuliyiin ka socda dawladda Somaliya, si layskula meel-dhigo ajandayaasha lagu soo qaadi doono wad-hadallada oo wakhtiga ay qabsoomi doonaan lagu muddeyn doono kulamada gogol-xaadhka ah.
Himilomedia.com
Hargeysa-Somaliland
No comments:
Post a Comment