Budhcad-Badeed Soomaaliyeed Oo Loo Xukumay Lacago Mag-dhaw ah oo ay Xaq u yeesheen

London:Dec,05,2014(Himilo)-Budhcad Badeed Soomaaliyeed oo muddo Gacanta ugu jirey Dalka Faransiiska ayaa war farxad leh ka heshay Maxkamadda Xuquul Aadamiga ee Dalalka Reer Yurub leeyihiiin.

Maxkamaddan ayaa ku dhawaaqday in Loo baahan in Budhcaddaas Magdhaw la siiyo maadaama Ciidanka Faransiisku ay la Habsaameen Muddadii ay xaqa u lahaayeen in Maxkamad lagu geeyo.

Budhcad badeedaas oo sagaal qof ah ayaa helaya kumannaan Euro, maadaama aan isla markiiba la hor keenin garsoorka Faransiiska.

Garsoorayaasha ayaa ku eedeeyay Faransiiska in ay xabsiga ku hayeen maxaabiista mudo 48-saacadood ka badan.

Budhcad badeedda ayaa waxaa u afduubnaa muwaadiniin Faransiis ah kaddib markii ay qabsadeen markab uu ka dulbabanayo calanka dalkaasi sanadkii 2008, waxaana ciidammada Faransiiska ay ku qabteen howlgal ay ka sameeyeen xeebaha Soomaaliya.

Waxaa si weyn hoos ugu dhacay falalka ay budhcad badeedda Soomaaliya ka fuliyeen badweynta Hindiya, maadaama ciidamo badan lasoo dhoobay agagaarkii ay ka Hawlgeli jireen Budhcaddaasi.

 

Himilo Media