Kenya Oo Xabsiga Dhigtay Haween Maraykan ah Oo Faraha kula Jirey Arrimo Xaasaasi ah

Gilgil:Dec,05,2014(Himilo)-Laba Haweeen ah oo kasoo jeeda Waddanka Maraykanka, ayaa waxa xasbiga dhigay Ciidamada Ammaanka ee Magaalada Gilgil ee Dalka Kenya, kadib markii ay farogeliyeen Goobo xaasaasi ah.

Labadan haween oo haatan xabsiga ku jira, ayaa la sheegayaa inay sawirro qarsoodi ah ka qaateen Xeryo ciidan oo magaaladaas ku yaalla ka hor intii aan la xidhin.

Macluumaadka Haweenkan sawirrada qaadanayey, ayaa waxa soo Gudbiyey Shacabka Deegaankaas, kuwaas oo ciidanka siiyey warbixnta lagu xidhay Haweenkan.

iyadoo si weyn looga feejiganyahay weeraro la mid ah kuwii argagixiso ee ugu dambeeyay ayaa dadkan la qabtay, waxana hada ku socota su’aalo weydiin.

Wararka ayaa sheegaya in haweenkan ay si gaar ah muuqaallo uga duubanayeen xeryaha ciidamada, taasoo sii kordhisay shakiga dadka shacabka ah.

Waxaa la sheegay in goobo xasaasi ah ay sawiranayeen xili aan wax fasax ah loo siinin.

Saraakiil ka tirsan laamaha amaanka ayaa xaqiijiyay qabashada muwaadiniinta Mareykanka ah, iyagoo sheegay in ay baadhitaano ku hayaan.

 

Himilo Media