Wadaad Caan ahaa Oo Xalay Lagu Dilay Gaarisa iyo Warar dheeraad ah Oo Laga Helayo

Garisa:June,02,2014(Himilo)-Warar Cusub ayaa ka soo Baxaya dil Habeenkii xalay Magaalada Gaarisa loogu geystay Wadaad Soomaaliyeed oo Halkaas Caan ka ahaa.

Sida uu sheegayo Abaanduulaha ciidamada Degmada Garisa Charles Kinyua, waxa Waddaadka geeriyooday oo la odhan jirey Sheekh  Cabdirashid la Toogtay xilli uu masaajid ka soo Baxay.

Taliyaha Booliska Degmada garisa ayaa in ku daray in Dilka sheekhu uu ka dhacay  meel dhawr tallaabo u jirta masaajidka Khaliifa .

Abaanduulaha ciidamada Degmada Garisa Charles Kinyua aya waxa uu sidoo kale sheegay in aanay ilaa iyo imika cadayn sababta ka danbaysa dilka Sheekh Cabdi Rashiid .

Abaanduulaha ciidamada Booliiska  ayaa meesha ka asaray gabi ahaanba in dilkani ay ku lug leeyihin Al Shabba .

Taliyaha ayaa sheeagay in Booliiska ay imika wadaan badhitaano ku aadan dilalka sheekh cabdirashiid si gacanta loogu soo dhigo dadkii ka danbeeyey .

Dilka xalay ka dhacay Garisa ayaa ku soo beegmaya xili habeen ka hor Garissa qarax ka dhacay uu ku dhintay 1 qof halka 2-kalana ay ku dhaawacmeen.

Dhammaanba Deegaanada Kenya waxa soo wajahday Cabsi ka dhalatay Farogelintii ay  ciidankeedu  ku sameeyeen Soomaaliya, waxana Kooxaha Kenya ka soo horjeedaa Dilal iyo Weerarro Qorshaysan ka Geysteen Deegaano tiro badan oo Kenya yaalla.

 

 

 

 

Himilo Media