Haddii Congress-ka (Golaha Wakiillada ama Golaha Sharci-dejinta) ee Maraykanku meel-mariyaan dhaqaalahan, waxay noqoneysaa markii ugu horreysay ee Mareykanku Millateri ahaan toos uga qeybgalo dagaalka ka socda dalka Suuriya dhawrkii sano ee u dambeeyey.Hadalka oo dhan waxa uu yahay jawaab, haddii dowladda Suuriya ay u isticmaashay dadkeeda hubka ka sameysan suntan Kiimikada, in Maamulka Obama weli ay xaddidan tahay galaangalka ay ku leeyihiin arrintaaas. Balse, sii xoogeysiga kooxda loo yaqaanno ISIS, ayaa u muuqata inay xoojisay gacmaha Madaxweyne Obama.
Aqalka Cad ee Maraykanka, ayaa hadda ugu baaqaya (Golaha Wakiillada) Congress-ka inay ansixiyaan 500 oo Milyan oo Doollar, si ay ugu tabobbaraan uguna qalabeeyaan koox ay ku tilmaameen kuwo si sax ah loo baadhay oo ka mid ah Mucaaradka Suuriya.
Waxa jira warar sheegaya in tabobbarka lagu qabanayo dalka Jordan oo hadda CIA-da Maraykanku ay ku leeyihiin xarun Ciidan ama dalka Turkiga midkood. Welina ma cadda nooca ay tahay taageerada Millateri ee Mareykanku uu siinayo Mucaaradka Suuriya ee dawladda dalkaas dagaalka kula jira, inkastoo ay hore Mucaaradka u codsadeen hubka lagula dagaallamo diyaaradaha.
Tallaabada noocan ah waxa ay sare u qaadeysaa dhaqdhaqaaqyada Maamulka Madaxweyne Obama uu dalka Suuriya ka wado, balse micno kuma fadhido haddii Congress-ku ay aqbalaan ansixinta dhaqalaahana faraha badan ee Aqalka Cad ku dalbanayo inay qalinka ku duugaan aqbalaaddiisa.
Golaha sharci-dejinta Mareykanka, ayaa hore su’aal uga keenay sida lagu garan karo Mucaaradka qunyar- socodka ah iyo sida ay macquul ku noqon karto in hubka Mareykanku uu si fudud gacanta ugu galo kooxaha xag-jiriinta ah ama ay argaggixisada ugu yeedhaan.
Himilomedia.com
Hargeysa-Somaliland
No comments:
Post a Comment