Xidhiidhka Kubbadda Cagta Soomaaliya oo lagu eedeeyey inuu Laaluush Qadar kaga qaatay u codeynteeda

London, 28, June, 2014-(Himilo)- Xidhiidhka Kubbadda Cagta Soomaaliya, ayaa la sheegay inay lacag Laaluush lagu siiyey sidii ay codkooda u siin lahaayeen in Ciyaaraha Adduunka lagu qato dalka Qatar sannadka 2022, sida xogo lagu helay.

Warkaas oo lagu baahiyey Shabakadda Wikileaks shalay, ayaa lagu sheegay in Masuul ka tirsan xidhiidhka Kubbadda Cagta dalka Qatar lacag aan qaddarkeeda la ogeyn ku siiyey xidhiidhka Soomaaliya, loogu diray Xisaabaad ay ku leeyahiin Baan ku yaalla dalka Jabuuti.

Xogaha Wikileaks ayaa lagu sheegay in farriin Sarkaal la yidhaahdo Najeeb Chirakal oo xidhiidhka Kubbadda Cagta dalka Qatar ugu diray Lacagta Laaluushka xidhiidhka Kubbadda Cagta Soomalaiya sida uu ku sheegay farriin Email uu diray 27 bishii lixaad 2010-kii.

Qoraal Jawaab-celin oo Xoghayaha xidhiidhka Kubbadda Cagta Soomaaliya Cabdikariin Siciid Carab soo diray ayuu ku sheegay xogtaas, waxaanu ku yidhi; “Dhinicii ololaha Weftiga Soomaaliya, waan kula soo socodsiin doonaa usbuucan wararkiisa. Fadlan salaan naga gaadhsii Madaxweynaha Qatar  HE. Mohamed Bin Hamam.” ayuu farriintiisa Jawaabta ah ku yidhi Cabdikariin Siciid.

Himilomedia.com             

Hargeysa-Somaliland