Shirka Caalamiga ah ee Arrimaha Deegaanka Oo Nairobi Si Habsami Leh Uga Socda

Nairobi:June,27,2014(Himilo)-Is Aragga Koowaad ee Kooxda Qaramada Midoobay u qaabilsan Ilaalinnta Deegaanka ayaa si habsami ah uga socda Magaalada Nairobi ee caasimadda Dalka kenya.

Shirkan, ayaa wax aka qayb gelaya Ku dhawaad 1065-ruux oo ka kala socda 163-dawladood, iyadoo ay shirka fadhiyaan 113-wasiir oo dawladood  oo isla dalalkaas ka socdaa.

Uhuru Kenyatta Madaxweynaha Kenya ayaa si rasmi ah u furay shirka, iyadoo Wasiirrada ka qeyb galaya kulankaasi ay maanta ka hadlayaan qaabka joogtada ah ee lagu hormarin karo deegaanka iyo qorshaha sanadka 2015-ka, sidoo kale waxaa jira kulamo gooni gooni ah oo looga tashanayo horumarinta deegaanka Caalamka.

 

Dr Oyun Sanjaasuren Wasiirka deegaanka ee dalka Mongolia ayaa billowgii shirka loo doortay madaxa golaha deegaanka ee Qaramada Midoobay, waxaana ku xigeenno looga dhigay 8 xubnood oo ka soo jeeda dalal kala duwan.

Dhinaca Soomaalida waxa Shirka fadhiya oo ka qayb gelaya Wasiirka Dawladda Federalka ugu qaabilsan Wasaaradda Gaadiidka Badda iyo Dekeaha Yuusuf Macallin Ammiin Baadiyow.

Dhinaca kale shirka ayaa la soo gabagabeyn doonaa berri oo Sabti ah, waxaana lagu wadaa in laga soo saaro qodobo looga hortagayo dhibaatooyinka heysta deegaanka caalamka, waxaa gabagabada qudbad ka jeedin doono xog-hayaha guud ee Qaramada Midoobay Banki Moon.

 

Himilo Media