Al-shabaab Oo Lagu Eedeeyey Inay Bilaabeen Qorshe ay Dad u Afduuban Hub Ugu Beddelanayaan

Marka:June,27,2014(Himilo)-Waxa warar cusubi oo aan hore loo maqli jirini ka soo baxayaan  Dad ay dhawaan kooxaha Al-shabaab ka Geysteen Deegaanno ku yaalla Gobolka Shabeelaha hoose ee Somalia.

Ninka Dawladda Federalka Somalia u qaabilsan Gobolka Shabeelaha Hoose  oo lagu magacaabo Cabdiqaadir Maxamed Siidii oo la  hadlay Idaacadaha Muqdisho ku yaalla ayaa sheegay inuu hayo qoryshayaal Al-shabaab la soo baxeen oo ku xidhayaan Sii daynta Dadka ay gacanta ku Hayaan.

C/qaadir Sidii ayaa sheegay in Alshabaab ay dhaqamo cusub ka bilabeen deegaano ka tirsan gobolkaasi, gaar ahaan marka ay afduubka u geystaan dadka ganacsatada ah ee ku dhaqan degmada Qoryooleey.

Wuxuu sheegay in dadkaasi sii deyntooda Alshabaab ay ku xidheen shuruud ah in qof walba uu keeno laba ilaa hal qori oo AK 47 ah, sida uu sheegay ayna tahay arin ku cusub deegaanada gobolka Shabeelaha Hoose.

Guddoomiyaha ayaa sababta arrintan ka dambaysa ku macneeyey sidii kooxahaasi ku heli lahaayeen Hub ay kaga hawlgalaan deegaanno farahooda ka maqan oo ay doonayaan inay Xoreeyaan.

Alshabab ayaan ka jawaabin eedeynta kaga timid masuuliyiinta maamulka dowlada Soomaaliya ee gobolka Shabeelaha Hoose.

 Himilo Media