Heshiiskan ayaa ah mid dhanka dhaqaalaha ah isla markaana sare u qaadaya ganacsiga Ukraine iyo Midowga Yurub u dhaxeeya, waxayna kusoo beegmaysaa xili aan weli xal laga gaadhin xiisada ka taagan bariga Ukraine.Xabad joojin dhawaan uu ku dhawaaqay Madaxweynaha Ukraine Poroshenko ayaa lagu fashilmay in laga hirgeliyo deegaanada Bari ee Ukraine oo ay weli ka socdaan dagaalo xoogleh oo ay ku baro kaceen kumanaan dad ah.
Dowlada Ruushka ayaa isla markiiba ka digtay cawaaqib xumada ka iman karta heshiiska ay wada saxeexdeen Midowga Yurub iyo Ukraine oo hore uga mid ahaan jirtay Sofiyeetkii burburay.
Dhawaan ayey ahayd markii shirkada Gaaska ee laga leeyahay Ruushka ay gebi ahaan jartay gaaska laga iibiyo dalka Ukraine, kadib markii qiimihii sare loo qaaday iska bixin wayday xukuumada Ukraine ee fadhigeedu yahay Kiev.
Xaalladdan cusub ayaa laga warwar qabaa inay sii xumayso xaaladda Deegaanada Bariga dalka ukrain oo kooxaha Gooni u goosatada ahi haatan uun ku dhawaaqeen inay xabadda joojin doonaan Muddo kooban.
No comments:
Post a Comment