Halkan Ka Akhri Magacyada 9-Qof Oo Soomaali ah Oo Looga Cabsi Qabo Inay Uganda Ka Fuliyaan Weerarro Argagixiso

Kamballa:June,25,2014(Himilo)-Ciidamada Ammaanka Dalka Uganda ayaa Baahiyey Magacyada Dad looga shakisan yahay inay xidhiidho la leeyihiin Ururka Al-shabaab ee Ka Dagaalama Dalka Somalia.

Ninka Afhayeenka u ah BoOliska Uganda, Fred Enanga ayaa sheegay inay hayaan xog ku aadan  9-qof  ka mid ah dadka looga shaki qabo inay Xidhiidhka la leeyihiin Ururkaas, isla-markaana doonayaan inay dalkaas ka fuliyaan Weerraro.

“Waaxda La-dagaalanka Argagixisaddu waxay hayaan liiska magacyadda rag asalkoodu Somali yahay oo lagu tuhunsan yahay inay qorsheynayaan inay soo galaan Uganda si ay u fuliyaan weeraro Argagixiso” ayuu yidhi Afhayeenka.

Waxa uu intaasi ku daray inay feejignaantani timid kadib, markii uu iskaashi wada shaqeyn dhinaca Sirdoonka uu dhex maray Boliska Uganda iyo Hay’adda Sirdoonka iyo Nabadsugida Somalia “NISA”

Idaacadda Uganda Police Radio ayaa baahisay magacyadda 8 qof ee uu asalkoodu yahay Soomaalida ee laga cabsi qabo inay soo galaan Uganda si ay uga fuliyaan weerar Argagixiso.

Magacyada Sagaalka qof ee Boolisku liiskooda soo gudbiyeen ayaa kala ahaa sidatan:

1.Ibrahim Abdurahman Ahmed

2.Mohamed Nur Mumye

3.Abdirizak Yusuf Aden

4.Mohamed Hersi Yusufu.

5.Hussien Yusufu

6.Abdullahi Rage Omar

7.Mohamed Abdi Ali

8.Hassan Ali Liban

9.Bilal Aden Kheyre.

Himilo Media