Kooxda Shebaab oo bogaadiyey weerarkii Charlie Hebdo iyo Wararkii u dambeeyey ee baadi-doonka Raggii fuliyey

Muqdisho, 10 Jan, 2015 (Himilo)- Kooxda Al Shabaab ee ka dagaalanta dalkaasi Soomaaliya, ayaa soo dhoweeyey weerar dhowaan loo geystay xarun warbaahineed ee Charlie Hebdo magaalada Paris, kaas oo lagu dilay 12 qof oo xaruntaas ka hawl-galayey, waxaanay Al-Shabaab ku tilmaantay weerarkaas talaabo geesinimo leh.
“Waxay gaadhsiisay malaayiin muslimiin ah farxad talaabada ay qaadeen. Dad la majaro-habaabiyey ayaa sheegay in xoriyatul-qawlkii la weeraray, xaaladu sidaa mahaa, geesiyaashuna shaqadoodii way guteen,” Sida lagu baahiyey warbaahinta ku hadasha Afka kooxda Al-Shabab
“Waxay madaxa ka jareen gaaladii aflagaadeeyey nebigeenii Maxamed CSW,” iyagoo raaciyey. Usaama Bin Laden waxuu hore ugu sheegay reer galbeedka ‘Hadii xoriyatul-qawlkiinu xad lahayn, waxaad filataan in dhiigiinu qubto,” ayaa lagu sheegay Idaacad ku hadasha Afka kooxda Al-shaab
Maleeshiyaadka Al-Shebaab oo maamula qeybo badan oo deegaanada Soomaaliya ayaa inay xidhiidh dhow la leh Shabakadda Al-Qaacidada ka dagaalama Yemen oo sida sheegay ay tabobarro ku soo qaateen ragga weerarka geystay.
Wararkii u dambeeyey ee laga helay hawl-gallo ciidamada Faransiisku ku daba-joogeen laba nin oo walaalo ah oo weerarkaas gaystay, ayaa lagu sheegay in ciidamada Faransiisku shalay dileen labadaas nin oo asal ahaan ka soo jeeda dalka Yemen.
Himilomedia.com
Hargeysa-Somaliland