Meydka Nin Aan La Aqoonsan Oo Laga Helay Dooxa Weyn Ee Hargeysa Iyo Ciidanka Booliska Oo Baadhitaanno Ku Hawllan

Hargeysa:Jan,22,2015(Himilo)-Saaka aroortii ayaa badhtamaha Dooxa weyn ee Magaalada Hargeysa dhexmara waxa lagu arkay meydka Nin aan la aqoonsan oo yaalla, kaas oo ay ciidanka Boolisku u qaadeen dhinaca Cisbitaalka Guud.

Meydka ayaa la sheegay inuu ahaa nin, isla-markaana aan wali la haynin cid aqoonsata, balse uu yahay qof loo malaynayo inuu yahay Somali, iyadoo aan la haynin sida uu ku geeriyooday.

Ciidamada Debi baadhista ee CID-da, ayaa wada baadhitaano la xidhiidha meydkan iyo sida uu halkaas ugu dhintay, waxana arrinaas saxaafadda u sheegay Guddoomiyaha Gobolka Mareeji jeex Maxamed Axmed Jeeniyare, kaas oo tilmaamay inaanu baadhitaankaas ka hordhacaynin.

Ammaanka caasimadda ayaa meel fiican maraya, waxase dhawaanahan soo kordhay dhallinyaro rabshado wado oo caasimadda meelo kamid ah isku weerara xilliyada Habeenkii.

 

Himilo Media