Hargeysa:Shir Lagu Taageerayey Musharraxnimada Madaxweyne Siilaanyo Oo Rabshad iyo Fadqalallo Ku Dhamaaday

Hargeysa:June,11,2014(Himilo)-Shir koox odayaal-dhaqameed ka soo jeeda Beelaha Waqooyiga iyo Galbeedka Hargeysa, ay doonayeen innay ku taageeraan Musharraxnimada Madaxweyne Siilaanyo, ayaa ku dhamaaday Rabshad iyo Gacan-ka-hadal.

Shirkan ayaa waxyar ka hor  markii uu bilaabmi lahaa waxa Goobta uu ka dhacayey oo ahayd Hutel Maansoor magaalada Hargeysa, waxaana soo galay koox dhallinyaro ah oo si weyn uga soo horjeeday taageerada loo muujinayo madaxweynaha, waxaanay  Odayaasha fareen inay joojiyaan Hawsha ay wadaan, waxana odayaasha qaarkood ka madax adaygeen iny u hoggaansamaan Amarka Dhalllinyarada.

Dhacdadan oo warbaahinta dalku Goob-joog ka ahayd, ayaa si khasab ah Halkaas looga saaray Odayaashii shirka qabsanayey, waxana uu Gacan-ka-hadal Kooban oo aan khasaare Keenini dhex maray Xubno ka tirsan Dhallinyarada iyo odayaasha oo dhinacooda ka soo horjeeday inay shirka Joojiyaan.

Dhacdadan ayaa ku soo Beegmaysa Xilli Meelo Badan  oo Somaliland ah Madax-dhaqadeed kala duwan oo ku Nooli muujiyeen taageero ay u Hayaan Madaxweyne Siilaanyo, waxana jira Taageero taas Barbar socota oo meelo badan looga Muujiyey Muuse Biixi Cabdi oo  hore ugu dhawaaqy inuu sharraxan Yahay.

Himilo Media