Muuse Biixi Oo Aragtidiisa Ka Dhiibtay Go’aamada Guurtidu Maanta Soo Saartay”

Hargeysa:June,07,2014(Himilo)-Guddoomiyaha Xisbiga Kulmiye Muuse Biixi Cabdi ayaa Ka Hadlay Aragtidiisa ku Aaddan Go’aanka ay Maanta Guddidii Golaha Guurtidu ka soo Saareen Khilaafkii xisbiga Kulmiye.

Guddoomiye Muuse oo ku  sugnaa Madashii lagu soo bandhigayey Go’aamada ayaa sheegay inuu Gebi ahaanba aqbalay Go’aamada, isla-markaana uu Danta Qaranka siiyey Tixgelin iyo muhiimad weyn.

 

Muuse Biixi Cabdi uu ku tuntuunsaday inuu  qaddarinn u hayo Go’aamada maadaama uu markii hore Xubnaha Dhexdhexaadinta Gelayey uu siiyey Kasooni Buuxda, “Waxa ay ila tahay hadii aad rag arrin u dhiibato, maaha sidii aad doonaysay in ay kuu xukumaan, in kasta oo ay adag tahay sida ay wax u jareen, hadana  waan aqbalay” ayuu yidhi ayuu yidhi Muuse Biixi.

Muuse Biixi Cabdi oo la weydiiyey  Maadaama uu sheegay inay wax adag jareen, balse sida ay ula muuqata aqbalaadoodu, ayaa yidhi,

“Aniga waxba la iima soo qaadin, dhinacii kale ayaa wax la siiyay, waan qaatay, danta qaranka ayaanan u qaatay”

Hadalkan muuse Biixi ayaa muujinaya inaan Muuse iyo Kooxdiisu aanay si Buuxda ugu faraxsanayn Hannaanka Guurtidu u garnaqday, waxana  uu sidoo kale caddaynayaa inuu  Danta Guud ahmiyad Bada siiyey.

Himilo Media