Muwaadin u dhashay Dalka Maali Oo Abaarmarin Loo Siiyey Dhalashada Waddanka Faransiiska

Paris:Jan,16,2015(Himilo)-Warbaahinta caalamka ayaa si weyn u hadal haysa Muwaadin u dhashay dalka Maali oo ku dhaqaaqay tallaabo geesinimo leh toddobaadkii dhawaa ee weerarka Kooxda Hubaysani ka geysatay gudaha magaalada Paris.

Muwaadinkan oo magaciisa lagu sheegay maliLassana Bathily oo ah 24 jir, isla-markaana ah nin islaami ah, ayaa loo aqoonsaday inuu noqday Geesi badbaadiyey nafta tiro dad ah oo badan, kuwaas oo ku sugnaa Suuq dad yuhuud ahi laayeen oo ku yaallay magaalada Paris oo dhawaan nin Hubaysani qabsaday.

Lassana Bathily ayaa ka shaqeynaayey qaybta hoose ee suuqa Hyper Casher , markii xabaduhu bilaabmeen 9.1.2015, ayaa dadkii u soo daateen qaybta hoose, iyaga oo ku qaylinaya qof waaalan oo dadka laynaya ayaa Suuqa soo galay.

“Waxaan maqley xabadaha dhacaya, iyo shaqaalihii saaxbiidey ahaa iyo macaamiishii oo dusha iska marey, waan u qayliyey in ay ii yimaadaan, kadib waxaan geliyey qolka qaboojinta keydka, waan ku xidhey, waxaana u sheegay in aanay qaylin oo ay aamusnaadaan, waxaana demiyey dhamaan nalalkii” ayuu yidhi, “aniguna meel kale ayaan isku qariyey kadibna waan baxsadey “ ayuu hadlakiisa sii raaciyey.

Booliska ayaa qabtey Lassana Bathily iyaga oo uga shakiyey in uu wax ka ogaa weerarkan, laakiin saacad kadib ayey siidaayeen, waxaana uu Booliska ka caawiyey in uu sharaxo wixii meesha ka dhacay.

Si loogu aqoonsado in uu yahay Halyey waxa uu u baahnaa in uu helo Saxeexyo badan, waxaana ilaa hadda saxeexey 300 000 kun oo qof in uu yahay Halyey.

Lassana Bathily ayaa yimid dalka Faransiiska sanadkii 2006 isaga oo ah 16 jir waxaana uu ka yimid dalka Mali, waxa uu dalbadey dhalashada Faransiis sanadkii 2014 laakiin ma helin.

Haatan waaxda socdaalka ee dalkaasi ayaa abaalmarin ahaan ugu ballanqaaday inay siin doonaan dhalashada Dalkooda.

 

Himilo Media