Ciidamada Huwan Oo Gacanta Ka Dhigay Magaalo Xeebeedda Baraawe iyo Shabaabkii Oo Ka Hulleelay

Barawe:Oct,05,2014(Himilo)-Magaalada Xeebta ku taalla ee Barawe oo ay Kooxaha Shabaabku muddo shan sano ah gacanta ku Hayeen, ayaa Ugu dambayntii saaka gashay Gacanta Ciidamada Huwanta ah eek u shaqaynaya Siyaasadda Dawladda Federal-ka Somalia.

Sidaa ay sheeegaya wararka laga helayo Magaalada Barawe, waxa ciidanku ay Gudaha Magaalada Galeen Saaka Subaxii hore, waxana ay ku galeen Lug iyo qaybo kale oo wata daangiyada dagaalka iyo Dabaabadaha culuculus, iyagoo fadhiisimo ka samaystay Meelo istaraatiiji ah.

Magaalada dadkii deganaa badankooda waa ay ka barakaceen, dadka ku haray Magaalada, ayaa sheegaayo inay arkayaan ciidamo badan oo Amisom iyo kuwa Dowladda isugu jira oo Magaalada si aad ah ugu qul-qulaaya.

Wararka waxa ay sidoo kale sheegayaan in ciidamada Huwanta ay difaacyo ka sameysteen ilaa saddex Koontarool oo banaanka Magaalada ah, si ay halkaasi isaga ilaaliyaan weeraro culus oo Xoogaga Shabaab ay ku soo qaadaan.

Magaalada Barawe, ayaa ahayd magaaladii ugu weynayd eekusii hadhsanayd Gacanta kooxa Al-shabaab, waxana haatan ciidamada dagaalka kooxdan ka dhanka ah ku jiraa isu diyaarinayaan inay kaga daba tagaan Goobaha koob-kooban ee wali kooxdu gacanta ku sii hayso.

 

Himilo Media