Madaxweyne Siilaanyo Oo Dhambaalkiisa Hambalyada Ku Aaddan Ciidul-adxaha Shacabka u Soo Qaddimay

Hargeysa:Oct,03,2014(Himilo)-Madaxweynaha Jamhuuriyadda Somaliland Axmed Maxmed Maxamuud (siilaanyo), ayaa Munaasibadda Ciidul-adxahaa darteed shacabkiisa u diray Dhambaal Hambalyo iyo Duco iskugu jira.

Madaxweynuhu waxa uu Golayaasha kala duwan ee Dawladda Somaliland, Ciidamada kala duwan ee Qalabka sida, Culimaa’udiinka iyo Shacabweynahaba u rajeeyey inay Ciiddan ciiddeeda ku gaadhaan Barwaaqo iyo badhaadhe.

Dhambaalka Hambalayda iyo Ducada iskugu jira ee uu Madaxweynuhu shacabkiisa u diray, ayaa lagu yidhi,

“Waxaan Illaahay Inooga Rajaynayaa In Uu Ciidan Ciideeda Inagu Gaadhsiiyo Caafimaad, Cibaado, Bash-Bash Iyo Barwaaqo, Inta Bukta Ee U Jiifta Xanuunada Ee Aan Inala Ciidayna ALLE Uga Baryayaa Inuu Ka Dulqaado Xanuunka, Caafimaad Taamana Siiyo, Intii Dhimatayna ALLE U Naxariisto Una Dinbi Dhaafo.

 

Aamiin Aamiin Aamiin

 

Wa Kullu Caam Wa Antum Bikhayr,,,

 

 

Himilo Media