Xiisadda Hong Kong Oo Rajo Cusub Yeelatay Iyo Dhinacyada Iska Soo Horjeeda Oo Wada-hadal Aqbalay

Hong-Kong:Oct,03,2014(Himilo)-Madaxda Mudaharaaddada Dimuqraadiyad doonka ah ee Jasiirada Hong Kong, ayaa aqbalay inay dawladda wada Hadal la yeeshaan, kadib Kacdoono ay muddo shan cisho ah wadeen.

Duqa magaalada Hong Kong, C Y Leung, waxa uu hore u diiday inuu is casilo, iyadoo dibad baxayaashu ay ka dalbanayaan inuu xilka ka dego.

Dadka wax inadha indheeya ayaa sheegaya inaanay fileyn inuu is casilo hogaamiyaha Hong Kong, maadaama uu Haysto Taageerada DawladdaChine oo iyadu si weyn uga soo horjeeda Dalabka kooxaha Mudaharaadka wada.

Britain oo dhankeeda walaac ka muujisay xaaladaha ka taagan Hong Kong, ayaa sidoo kale soo dhaweysay wadahadallada la filayo inay wada yeeshaan maamulka iyo hogaamiyayaasha ardeydu.

Madaxa hay’adda caalamiga ah ee Lacagta ee IMF, Christine Lagarde, ayaa iyaduna sheegtay, dibadbaxyada dhowaanahan ka socday magaalada Hong Kong inay yeelan karaan saameyn dhaqaale oo aan la fileyn.

 

Himilo Media