Hargeysa:(Himilo)-Maxkamada Gobolka Maroodi Jeex ayaa soo saartay Natiijada Kiiskii Loo Haystay Eedaysanayaasha dhacdadii lagu dilay marxuumad Ruqiya Siciid ayaanle oo dhammaadkii bishii saddexaad ee sanadkan laga helay maydkeeda god guri ku yaalla Magaalada Hargeysa.
Maxkamadda oo muddo soo wadday kiiskan ayaa aakhirkii soo saartay Natiijo, iyadoo xukunno dil iyo xadhig iskugu jira ku ridday tiro dad ah oo eedaysanayaal ahaa.
Waxay Maxakmaddu Dil toogasho ah ku xukuntay 4 ka mid ah Qoyskii Maydka Marxuumadda Gurigooda laga Helay, kuwaasoo kala ahaa hooyadii Qoyska Muna Maxamed Cabdilaahi, ina Faadumo Cali 37Jir ah, waxa Maxkamadu ku xukuntay Qisaas Dil ah, Maxamed Axmed Cabdi, ina Muuna Maxamed Waxay Maxkamadu ku xukuntay Qisaas Dil ah, Sakariye Axmed Cabdi ina Muuna Maxamed oo 19-Sanno jir ah, Waxay Maxkamadu ku xukuntay Qisaas Dil ah, Farax Axmed Cabdi Ina Muuna Maxamed 19Jir ah, waxay Maxkamadu ku xukuntay dil.
Afartaasi ruux waxay maxkamddu ku xukuntay Qisaas dil ah, halka ay
Hana Cabdi Salaam Ismaciil, ina Muna Maxamed 17-sano jir ah kaga xukuntay Xabsi toban sano ah, maadaama ay ka yartahay 18-sano oo wixii ka yar aanu sharciga Somaliland u yaalla dilaynin.
Kalsoon Xaaji Baxnaan Xirsi, ayey Maxkamaddu u celisay Xorriyadeedii iyadoo Sidoo kalena Cabdi Salaan Ismaciil Maxamed oo ah ninkii qabay Muna Xorriyadiisii loo celiyey.
Maxmaed Xassan Cabdi oo lagu eedeynayey in uu booliska Majaro habaabiyey oo Ciidanka u sheegay inay Eedaysanuhu joogto Kala-baydh lagu Xukumay Hal Sano Oo Xadhig ah.
Kiiskan haatan maxkamaddu natiijada ka soo saartay ayaa ahaa kiiskii ugu hadalhaynta badnaa Somaliland muddooyinkii ugu dambeeyey, waxana ay dad badani u dheg taagayeen waxa uu noqon doono xukunka lagu rido dadka falalka noocaas ah ku eedaysani.
Xukunkan ayaa waxa ku dhawaqay Guddoomiyaha Maxkamada Gobolka Hargeysa Faysal Maxamed Cabdilaahi (Faysal dhaga dhago ).
Himilomedia.com
Hargeysa-Somaliland
No comments:
Post a Comment