Qaraxyo Mar kale Laga Fuliyey Magaalo-xeebeedda Mombassa

Mombasa:May,23,2014(Himilo-)Qarax xooggan ayaa waxa uu mar kale Habbeennimadii xalay ka dhacay Magaalada Mombassa ee Dalka Kenya.

Qaraxa ayaa la sheegayaa inaanu geeyan Khasaaro badan, marka laga reebo Laba qof oo dhaawacyo fudud soo gaadheen.

Waxaa sidoo kale la sheegayaa in Labada Qof ee Dhaawacantay midkood uu yahay Askari katirsan Ciidanka Booliska Magaalada Mombassa, waxa uuna Xilliga Qaraxa ku sugnaa agagaarka goobta uu Qaraxa ka dhacay.

 

Qaraxyadan ayaa waxa ay kusoo beegmayaan Xilli dhawanahan ay Qaraxyo farabadnaa ka dhacayeen Magaalooyinka Nairobi iyo Mombassa, iyadoona ay weli isu hanjabayaan Dowlada Kenya iyo Xoogaga Alshabaab ee iyagu sheeganaya Qaraxyadaasi.

Hoggaanka Sare ee kooxda Al-shabaab ayaa shalay ku dhawaaqay inay dagaaladii ay Somalia dhexdeeda ka wadeen u weeciyeen dhinaca Kenya oo ay ku eedeeyeen inay faraha kula jirto  arrimaha Somalia.

 

 

 

Himilo Media