Cabdilaahi Badmaax oo ah muwaadin asal ahaan u dhashay Somaliland, balse sidoo kalena haysta dhalashada dalka Ingiriiska, ayaa diyaar-garowga soo-dhawayntiisa laga dareemayey magaalada Hargeysa, waxaana la filayaa inuuu maalinta berri gelinka dambe ka soo dego garoonka diyaaradaha ee Egal International Airport.Guddi iskeed isu-xilqaantay, xubno ka tirsan Qoyska Cabdilaahi Badmaax oo ilaa shalay qaban-qaabinayey soo-dhawaynta Cabdilaahi Badmaax iyo Masuuliyiin sar-sare oo ka tirsan Xukuuumadda Somaliland, ayaa lagu wadaa inay Madaarka Hargeysa ku soo dhaweeyaan Maayarka degmada Southwark.
Socdaalka uu Masuulkan sare ee ka tirsan Goleyaasha deegaanka magaalada London ku imanayo Somaliland, ayaa noqonaysa markii u horeysay ee uu dalka ku yimaaddo tan iyo markii loo doortay Guddoomiyaha Golaha deegaanka Southwark Bishii May ee sannadkii 2013-dii.Maayor Cabdilaahi Badmaax, ayaa la filayaa muddada uu socdaalka ku jooga dalka inuu la kulmo madaxweynaha Somaliland, Madaxda kale ee dalka iyo qaybaha kale ee bulshada rayid ka ah.
Maayor Cabdilaahi Badmaax oo ah aqoonyahan ka qalin-jabiyey Jaamacadda Leeds University ee dalka Ingiriiska, ayaa ka hor intii aanu ku biirin Golaha Deegaanka ee Faraday sannadkii 2002, waxa uu hore uga soo shaqeeyay isla markaana xubin ka ahaa Guddiga Heer Qaran ee dalka Ingiriiska u qaabilsan Macdanta (National Coal Board), isaga oo markii dambe Injineer Macdanta Qodista ah kaga shaqeeyey Shirkado ka hawl-gala qaaradda Afrika, gaar ahaan dalka Zambia ee Koonfurta qaaradda Afrika.
GUJI HALKAN SI AAD U DHEGAYSATO KHUDBADDII U HOREYSAY EE UU JEEDIYEY MARKII LA DOORTAY
Himilomedia.com
Hargeysa - Somaliland
No comments:
Post a Comment