Hooyadan Soomaaliyeed oo lagu magacaabo Raxma, isla markaana 33-jir ah, kana tagtay magaalada Muqdisho ee xarunta dalka Soomaaliya, ayaa dhashay Gabadh loo bixiyey Safiya, waxaana xilliga ay ummulaysay ay ku wajahnaayeen dhinaca Xeebta Talyaaniga.Raxma waxay sheegtay inay shan bilood ku qaadatay inay gaadhto Xeebaha Talyaaniga. Saraakiishu waxay sheegeen in Safiya, oo miisaankeedu ahaa 3-KG markii ay dhalata, ay Caafimaad qabto. Waxaan loo malaynayaa inay noqotay ilmihii ugu horreeyay abid ee ku dhasha dusha Markab dagaal oo Germany laga leeyahay.
Safiya-yar Hooyadeed Raxma, ayaa ka mid ahayd 4,000 (Afar Kun) oo Muhaajiriin oo laga badbaadiyey Badda Mediterranean-ka billawgii toddobaadkan. Waxaa markii hore badbaadiyay Markab dagaal oo laga leeyahay dalka Britain ka hor intaanu ku wareejin Markabka dagaalka ee Ciidammada Badda Jarmalku wateen.
Markabka, ayaa markii uu ku xidhtay Dekedda magaalada Xeebta leh ee Taranto ee Koonfurta Talyaaniga, waxa Raxma iyo Gabadha yare e ay dhashay loo cararay Cusbitaalka si loo baadho Xaaladdooda Caafimaad.
Midowga Yurub, ayaa ku mashquulsan Xakaymaynta Mawjadaha Muhaajiriinta ama Tahriibayaasha ah ee ka qaxaya colaadda iyo saboolnimada dalalkooda Qaaradda Afrika iyo waddamada Carabta qaarkood ka Tahriibaya.
Himilomedia.com
Hargeysa-Somaliland
No comments:
Post a Comment