Mahiga oo loo magacaabay xil ku cusub Qaramada Midoobay iyo shaqada uu qaban doono

New York, 09 March, 2014 (Himilo)- Ergeygii hore Xoghayaha Guud ee Qaramadda Midoobay u qaabilsanaa Soomaaliya/Somaliland Augustine Mahiga, ayaa la sheegay in loo magacaabay u qaabilsanaha ku-xigeenka Xogahayaha Guud ee Qaramada Midoobay dhexdhexaadinta meelaha ay ka jiraan Murannada dhinaca Deegaamaynta, kaas oo noqonaya xil aan hore aqoon badan loo lahayn.

Mahiga oo xilkiisii hore ee ergeyga Soomaaliya/Somaliland uu bedelay Nicholas Kay oo Ingiriis ah ayaan wax badan hore looga sheegin waxa uu qaban doono.

Balse, Mahiga oo in badani filaysay inuu ka qaban doono dalkiisa xil arrimaha dibedda,  ayaa soo-ifbaxa xilkan cusub ee loo magacaabay, ayaa  la sheegay inuu si weyn shaqeyn doono fasiraadda iyo casharada laga bartay dhexdhexaadinta khilaafyada.

Sida ay baahisay wakaalada Inner City Press, saraakiil Qaramadda Midoobay oo wax laga weydiiyey ayaa wax lala yaabo ku tilmaamay xilka loo magacaabay isla markaana sheegay inaanay fikrad badan ka haysan joogitaanka Mahiga ee Qaramadda Midoobay.

Xilka loo magacaabay Mahiga, ayaa sida ka muuqata ka shidaal-qaadanaya waayo-aragnimo uu ka kasbaday wakhtigii uu xoghayaha Guud ee Qaramada Midoobay u qaabilsanaa siyaasadda dhinacyada Soomaalida iyo doorkii uu ka qaatay isku-dhawaynta iyo xalinta khilaafyo regaadiyey dawladihii soo maray Soomaaliya wakhtigii uu xilka hayey.

 

Himilomedia.com

Hargeysa-Somaliland