Maxkamadda Ciidamada Qaranka Somaliland Oo Xukunno Adag Ku Ridday Askar Loo Aanaynayo Dilkii Sarkaakiishii Qorilugud Lagu Laayey

Hargeysa:Oct,18,2014(Himilo)-Maxkamadda Ciidamada Qaranka Somaliland ee Darajada Koowaad, ayaa Maanta Xukunno iskugu jira Dil iyo Xabsiyo muddo dheer ah ku ridday Askar ku eedaysan Dilka Saraakiishii dhawaan lagu laayey Deegaanka Qorillugud ee Goboka Buuhoodle.

Guddoomiyaha Maxkamadda Ciidanka Qaranka Somaliland ee Darajada Koowaad ee Goboladda Galbeedka Somaliland Gaashaanle Sare Yuusuf Faarax Sharmarke oo ku dhawaaqay Xukunka Danbiilayaashaas ayaa Warbaahinta u sheegay inay xukunnadan soo socda ku rideen raggii ku eedaysnaa Dilka saraakiishaas.

1.Gacan ku dhiigle Faarax Maxamed Ismaaciil waxay ku xukuntay Dil

2. Laba Xadhigle Carraale Muuse Cabdi oo lahaa Heeganka Xerada Dilku ka dhacay Toddoba sano oo xadhig milatari ah.


3. Dable Cabdi Cawal Maxamed oo ahaa kamaan-boostihii waardiyaha ahaa sideed sano oo xadhig Milatari ah


4. Dable Faarax C/laahi Maxamed oo ahaa Askarigii qorigiisa Dilka lagu fuliyey shan iyo toban sano oo xabsi Milatari ah

5.Dable Khadar Xasan Ismaaciil waa Askarigii silsilada ka furay gacan ku dhiiglaha oo maxbuus aha aka hor intaanu Dilka geysan waxaana lagu xukumay Toban Sano oo Xabsi Milatari ah Hase yeeshee waxa ay Maxkamadda Ciidanku xorriyadiisa u celisay Dable Khadar Axmed cawil kadib markii Danbi lagu caddeyn waayey, halka Gacan ku dhiiglaha oo maqan ay kaga xukuntay Dil.

 

 

 

Himilo Media