Dad Qabow Ugu Dhintay Gudaha Dalka Maraykanka Iyo Xaalad Degdeg ah Oo Lasoo Rogay

Buffalo:Nov,19,2014(Himilo)-Xaalad degdeg ah ayaa lagaga dhawaaqay Gobolka New york ee dalka maraykanka, kadib markii uu baraf halkaas ku habsaday keenay dhimasho tiro dad ah.

Muddo yar gudaheed ayaa barraf lagu qiyaasay 2 mitir dhererkiisa uu ku da’ay magaalada Buffalo ee ka tirsan gobalka New York, waxana cabsi badani lasoo deristay dadka Halkaas ku nool.

Ugu yaran afar qof ayaa ku dhintay shalay magaalada Buffalo, sadex qof ayaa la sheegay in wadno xanuun u dhinteen iyagoo barrafka Xaadhay, halka qof afraad la sheegay inuu ku dhintay shil gaadhi oo uu Barafku keenay.

Dalka Maraykanka Gobollo ka mid ah ayaa waxa Xilliyadan ka Da’a Baraf xoog badan, waxana goobaha qaarkood dadka ku dhaqan loo diidaa inay Guryahooda kasoo baxaan.

Himilo Media