Xukuumadda Masaarida Oo Waddankeena Ka Musaafinaysa Wariye Xabsiga ugu Jira Oo ay Wararkiisa Dhibsatay

Caira:Jan,02,2015(Himilo)-Xukuumadda Militeriga ah ee dalka Masar ka talisa, ayaa la sheegay inay diyaarisay qorshihii ay dalkeeda kaga mustaafurin lahayd Wariye Peter Greste oo muddo sanad ah u xidhan, kadib markii ay ku eedaysay inuu baahiyey warar aan xaqiiqda ku salaysnayn.

Wariyahan oo u shaqaynayey TV-ga Al-jazira, ayaa waxa ay ehelladiisu sheegeen in xukuumadda Masaaridu diyaar u tahay in lagu celiyo waddiinkiisa oo Australia ah, isla-markaana laga mamnuucayo inay mar dambe kusoo noqdo dalka Masaarida.

Sargaal ka tirsan guddida garsoorka dalka Masar ayaa sidoo kale u sheegay warbaahinta inay doonayaan in wariye Peter Greste iyo wariyaal kale ay dalka ka saaraan dawladahoodana ku wareejiyaan.

Sadexda wariye ee Al-Jazeera u shaqeeya oo dalka Masar ku xidhan muddo dhan 370 cisho ayaa shalay maxkamadi waxay amartay in mar kale kiiskooda dib loo dhagaysto.

Hore waxaa mar loogu xukumay min 7 sanno oo xadhig ah, waxaana ay ku eedeysanyihiin inay taageero u fidiyeen ururka Ikhwaanul Muslimiin oo dalkaasi mamnuuc ka ah.

Xukuumadda Masaarida ayaa kamid ah Dawladaha warbaahinta Cabudhiya, waxana xukuumaddan haatan xilka haysaa ay awooddii ka qaatay Madaxweynihii la doortay ee Dalkaasi Maxamed Mursi.

 

 

Himilo Media